ბონდო თოდუა

დაბადების ადგილი: ქ. ზუგდიდი.

დაამთავრა საქართველოს სუბტროპიკული მეურნეობის ინსტიტუტი (სსმი) 1964 წელს.

იყო დირექტორის მოადგილე სამეცნიერო დარგში (ქ. ოჩამჩირე, "აბნილოსი"), ბოტანიკის კათედრის გამგე (სსმი); 2005 წლიდან არის ივანე ჯავახიშვილის სახელობის თბილისის სახელმწიფო უნივერსიტეტის ზუგდიდის ფილიალის დირექტორის მოადგილე სასწავლო და სამეცნიერო დარგში და ბიოლოგიის კათედრის გამგე. გამოყვანილი და გამორჩეული აქვს ტყისა და დეკორაციულ მცენარეთა 4440-მდე ახალი ფორმა, რომლებიც გაშენებულია ვ. გულისაშვილის სახელობის თბილისის სამთო მეტყევეობის ინსტიტუტის აფხაზეთის სამეცნიერო-საკვლევ სატყეო სადგურის ტერიტორიაზე (ქ. ოჩამჩირე "აბნილოსი"), მათგან უმრავლესობა გადარჩენილია. თოდუას სამეცნიერო კვლევის სფეროა ციტოლოგია, კერძოდ კარიოლოგია (ქრომოსომების კომპლექტის, ანუ კარიოტიპების შესწავლა). შეისწავლა 550-მდე მერქნიან მცენარეთა სახეობებისა და ფორმების კარიოტიპები. არის მრავალი სამეცნიერო ნაშრომის ავტორი. ბიოლოგიის მეცნიერებათა დოქტორი (1994), პროფესორი (1996), ბოტანიკოსი.

წყარო: საქართველო: ენციკლოპედია: ტ. IV. -თბ., 2018. -გვ.78