ივანე თუმაჯანოვი

დაბადების ადგილი: ქ. თბილისი.

დაამთავრა თბილისის სატყეო ინსტიტუტი 1930 წელს.

1935–1937 წლებში იყო საქართველოს მეცნიერებათა აკადემიის ბოტანიკის ინსტიტუტის სწავლული მდივანი, 1939–1963 წლებში-დირექტორი, 1959 წლიდან ამავე ინსტიტუტში განაგებდა თავისივე თაოსნობით შექმნილ პალინოლოგიის ლაბორატორიას. ივანე თუმაჯანოვმა დაამუშავა კავკასიის მთის ტყეების ტიპოლოგიის საკითხები. ერთ-ერთმა პირველმა დაიწყო კავკასიის ტყის მცენარეულობის და ჰოლოცენური ისტორიის შესწავლა სპორისა და მტვრის მარცვლის ანალიზის მეთოდით, დაამუშავა მთიანი ქვეყნის ბოტანიკურ-გეოგრაფიული დარაიონების პრინციპები, შეისწავლა სახეობათა წარმოქმნის პროცესები მცენარეებში. მიღებული აქვს სახელმწიფო ჯილდოები. ბიოლოგიის მეცნიერებათა დოქტორი (1964), პროფესორი (1966), გეობოტანიკოსი, კავკასიის მცენარეული საფარის მკვლევარი.

წყარო: საქართველო: ენციკლოპედია: ტ. IV. -თბ., 2018. -გვ.126.

• 1979 - საქართველოს მეცნიერებათა დამსახურებული მოღვაწე

• ნიკო კეცხოველი : ბიობიბლიოგრაფია (რედაქტორი). - თბილისი, მეცნიერება, 1978. - 232გვ.