მარინე ჯახუტაშვილი

დაბადების ადგილი: ქ. ბათუმი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია(ვოკალური).

1985-1992წწ. იყო თბილისის საოპერო სტუდიის სოლისტი(სოპრანო); 1986-1995წწ. ზ. ფალიაშვილის სახელობის თბილისის ოპერისა და ბალეტის თეატრის სოლისტი; 1989 წელს გაიარა სტაჟირება ქ. ვაიმარის(გერმანია) ლისტის სახელობის აკადემიაში(ვოკალი); 1989-1992წწ. სტაჟირება მოსკოვის დიდ თეატრში, პედაგოგი პ. ლისიციანი(ვოკალი); 1993 წლიდან ქ. ბათუმის საოპერო თეატრის წამყვანი სოლისტი; 1997 წლიდან ბათუმის კონსერვატორიის სოლო სიმღერისა და საოპერო სიმღერის პედაგოგი და კათედრის გამგე; 1998 წლიდან ბათუმის ზ. ფალიაშვილის სახელობის კონსერვატორიის პედაგოგი(ვოკალი); 2001 წლიდან ბათუმის ა. ანჯაფარიძის სახელობის საოპერო სტუდიის პედაგოგი(ვოკალი), დირექტორი, 2010 წლიდან სრული პროფესორი; 2001 წლიდან აჭარის სახელმწიფო მუსიკალური ცენტრის სამხატვრო ხელმძღვანელი; ქართული რეპერტუარი: მარო, ეთერი(ზ. ფალიაშვილი, 1984 თბილისის საოპერო სტუდია, 1994, ბათუმში პრემიერა), ლელა(1994, ლაღიძე "ლელა", ბათუმი), ქეთო(ჯ. და ვ. კახიძეები "ბარბალე"); სხვა რეპერტუარი: ტოსკა(პუჩინი "ტოსკა"), აიდა, ვიოლეტა, დეზდემონა, ამელია(ვერდი "აიდა", "ტრავიატა", "ოტელო", "ბალ-მასკარადი"), ტატიანა(ჩაიკოვსკი "ევგენი ონეგინი"), ვერდი "რეკვიემი"; გასტროლები: თბილისი, ავსტრია, გერმანია, თურქეთი, იტალია, შვეიცარია.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 598

• კავკასიის ხალხთა მეცნიერების აკადემია, წევრი

• 2012 - საქართველოს დამსახურებული პედაგოგი
• 1994 - საქართველოს თეატრალურ მოღვაწეთა პრემია
• 1991 - თბილისის ვ. დოლიძის სახელობის კონკურსი, II პრემია
• 1985 - ამიერკავკასიის მუსიკოს-შემსრულებელთა კონკურსი (ბაქო)