მერაბ გეგია

დაბადების ადგილი: ქ. თბილისი.

დაამთავრა თბილისის სახელმწიფო თეატრალური ინსტიტუტის თეატრმცოდნეობითი ფაკულტეტი 1971 წელს.

1971–1972 წწ. იყო მუსკომედიის თეატრის სალიტერატურო ნაწილის გამგე, 1973–1977 წწ. - რუსთავის თეატრის სალიტერატურო ნაწილის გამგე. 1978–1981 წწ. გაზეთ "ლიტერატურული საქართველოს" ხელოვნების განყოფილების გამგე, 1981–1983 წწ. - საქართველოს თეატრის, მუსიკისა და კინოს მუზეუმის დირექტორის მოადგილე, 1983–1986 წწ. ჟურნალ "საბჭოთა ხელოვნების" მთავარი რედაქტორის მოადგილე. 1986–1992 წწ. - გამომცემლობა "ქართული თეატრის" დირექტორი. თბილისის თეატრალური ინსტიტუტის, შემდგომში თეატრისა და კინოს უნივერსიტეტის ლექტორი 1973 წლიდან. 2002 წლიდან ამავე უნივერსიტეტის სრული პროფესორი და მთავარი მეცნიერ–თანამშრომელი დრამის თეორიაში. გამოქვეყნებული აქვს მრავალი სტატია და მონოგრაფია ქართული და უცხოური თეატრალური კულტურის შესახებ. არის 8 დადგმული პიესის ავტორი: "ახალგაზრდა გვარდიის სახელით" (კინომსახიობთა თეატრი, 1976), "სიცრუენი" (რუსთაველის თეატრი, 1978), "მარადიული კომედია" (რუსთავის თეატრი, 1987), "მოვედ სიყვარულისთვის" (რუსთაველის თეატრი, 1989), "საკუთარი თავის ბაბუა"(სატირისა და კომედიის თეატრი, 2001), "და იქმნა თამაში" (შიშველი თეატრი, 2007), "გურუ მასწავლებელი" (თბილისის მოზარდ მაყურებელთა თეატრი, 2010), "მელპომენას მსახური" (მარჯანიშვილის თეატრი, 2015). თეატრმცოდნე, ხელოვნებათმცოდნეობის დოქტორი.

საკანდიდატო დისერტაციის თემა - "ქართული კლასიკური დრამა და თანამედროვე თეატრი";

სადოქტორო დისერტაციის თემა - "ზეცნობადი თეატრალურ ხელოვნებაში".

• საქართველოლს განათლების მეცნიერებათა აკადემია, აკადემიკოსი (1999-)
• საქართველოს თეატრის მოღვაწეთა კავშირი, წევრი (1971-)

• 2001 - კოტე მარჯანიშვილის სახელობის პრემია
• 1976 - საქართველოს კომკავშირის პრემია

• დიმიტრი (დიმა) ჯაიანი : ალბომი (ავტორი). - თბილისი, საარი, 2016. - 196გვ.. - ISBN: 9789941461354
• ქართული თეატრი (ავტორი). - თბილისი, ციცინათელა, 2012. - 336გვ.. - ISBN: 978-9941-9175-6-1
• მსოფლიო თეატრის ენციკლოპედიური ლექსიკონი (რედაქტორი). - თბილისი, საარი, 2011. - 381გვ.. - ISBN: 978-9941-427-09-1
• კონფლიქტის პოეტიკა : თეატრალური ესეისტიკა (ავტორი). - თბილისი, საარი, 2011. - 420გვ.. - ISBN: 978-9941-427-24-4
• ზეცნობადი თეატრალურ ხელოვნებაში (ავტორი). - თბილისი, გლობალ სერვისი, 2000. - 232გვ.
• მსაჯული : არაკრიმინალური ისტორია (ავტორი). - თბილისი, ქართული თეატრი, 1991. - 133გვ.
• თეატრალური კალეიდოსკოპი : წერილების კრებული (ავტორი). - თბილისი, საქ. თეატრის მოღვაწეთა კავშირი,, 1990. - 234გვ.
• ქართული კლასიკური დრამა და თანამედროვე თეატრი (ავტორი). - თბილისი, ხელოვნება, 1988. - 117გვ.
• მთვარე და თუთიყუში : პიესები (ავტორი). - თბილისი, მერანი, 1987. - 106გვ.
• მარინე თბილელი : მსახიობის ცხოვრება და შემოქმედება (ავტორი). - თბილისი, ხელოვნება, 1974. - 75გვ.