თომა ჩუბინიძე

დაბადების ადგილი: სოფელი საზანო, ახლანდელი თერჯოლის რაიონი.

1901 წელს მანთაშევის ქარხანაში მუშაობდა და ბათუმის მუშათა რევოლუციურ გამოსვლებში მონაწილეობდა. 1905-1907 წლების რევოლუციის დროს შეიარაღებული ბრძოლების ორგანიზატორი იყო შორაპნის მაზრაში, მონაწილეობდა თენგინის პოლკის ასეულის განიარაღებაში. რევოლუციის დამარცხების შემდეგ არალეგალურ მუშაობას განაგრძობდა ბათუმსა და ბაქოში. რევოლუციაში მონაწილეობისათვის არაერთხელ ყოფილა დაპატიმრებული. 1917 წლის თებერვლის  რევოლუციის შემდეგ პარტიულ მუშაობას განაგრძობდა თბილისში. 1918 წელს აქტიურად მონაწილეობდა დუშეთის გლეხთა აჯანყებაში. მძიმედ დაჭრილი მენშევიკებმა ტყვედ ჩაიგდეს და ადგილზევე დახვრიტეს ყაზბეგის მახლობლად. რევოლუციური მოძრაობის მონაწილე საქართველოში. 

წყარო: ქართული საბჭოთა ენციკლოპედია: ტ. 11.-თბ., 1987.-გვ.165

• 1928 - წითელი დროშის ორდენი (სიკვდილის შემდეგ)