ლევან ბასილევიჩ-ქორიძე

დაბადების ადგილი: ქ. თბილისი.

დაამთავრა თბილისის შოთა რუსთაველის სახელობის თეატრალური ინსტიტუტის სამსახიობო ფაკულტეტი 1942 წელს.

ინსტიტუტის დამთავრებისთანავე თბილისის მარჯანიშვილის სახელობის დრამატული თეატრის მსახიობად ჩაირიცხა. 1944 წელს გადავიდა საქართველოს ხალხური სიმღერისა და ცეკვის ანსამბლში წამყვან სოლისტ-მოცეკვავედ, სადაც 17 წელი იმოღვაწა. 1943-1947 წლებში ქართული ცეკვების მასწავლებელი იყო მაუდ-კამვოლის ფაბრიკაში, თბილისის მსუბუქი მრეწველობის ტექნიკუმში, შრომა-გასწორების ბავშვთა კოლონიაში, აბაშის რაიონის სიმღერისა და ცეკვის ანსამბლში. ასრულებდა სოლო ცეკვებს: "ნეტავი გოგო მე და შენ", "ოსური დუეტი", სვანური ცეკვა "შეირადა" და სხვა. 1985 წელს იყო მსუბუქი მრეწველობის კულტურის სახლთან არსებული ანსამბლ "ბერმუხას" მომღერალი. 1958 წელს მონაწილეობა მიიღო მოსკოვში გამართულ ქართული ხელოვნების დეკადაში. 

წყარო: ხელოვნების კალენდარი: თეატრი, მუსიკა, კინო.- თბ., 1994.- გვ.20; ქართული ხალხური ქორეოგრაფიის მოღვაწენი/ გიორგი სუხიშვილი.-თბ.,1988, გვ.168

• 1961 - საქართველოს დამსახურებული არტისტი
• მედალი "1941-1945 წლებში დიდ სამამულო ომში მამაცური შრომისთვის"