არჩილ არდიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო-საინჟინრო ფაკულტეტი 1957 წელს.

1958-1970წწ. მუშაობდა საპროექტო ინსტიტუტ "თბილქალაქპროექტის" სისტემაში, გაზმომარაგების სამმართველოში სხვადასხვა თანამდებობაზე; 1970-1973წწ. საქართველოს მინისტრთა საბჭოსთან არსებულ სპეციალიზებულ სამონტაჟო-სამშენებლო სამუშაოთა მთავარ სამმართველოში საწარმოო-ტექნიკური განყოფილების გამგის მოადგილედ; 1973-1977წწ. სამონტაჟო ტრესტ "საქსანტექმონტაჟის" მმართველის მოადგილედ; 1977-1999წწ. საქართველოს მშენებლობის სამინისტროს N7ტრესტ "საქშახტმშენის" სამმართველო "საქშახტმონტაჟის" უფროსის მოადგილედ, ხოლო მისი კოლექტიურ საწარმო "საქშახტმონტაჟად" რეორგანიზების მერე დირექტორის მოადგილედ; მონაწილეობდა სასტუმრო "აჭარის", თბილისის ოპერისა და ბალეტის აკადემიური თეატრის, სამრეწველო და საცხოვრებელი დანიშნულების მრავალი ობიექტის სამონტაჟო სამუშაოების შესრულებაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.54