ოთარ აფაქიძე

დაბადების ადგილი: ქ. ზუგდიდი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1959 წელს.

გაიარა პროფესიული დაოსტატების ყველა საფეხური: 1959-1974წწ. მუშაობდა საქართველოს მშენებლობის სამინისტროს N2 სამშენებლო ტრესტის ოსტატად, სამუშაოთა მწარმოებლად, უბნის უფროსად, რკინაბეტონის ქარხნის დირექტორად; 1974-1997წწ. სპეციალიზებული ტრესტის მმართველად; შპს "საქაგრომშენსერვისის" გენერალურ დირექტორად; უშუალოდ მონაწილეობდა და ხელმძღვანელობდა არაერთი სამრეწველო, სოციალური და სასოფლო დანიშნულების ობიექტის აგებასა და საექსპლუატაციოდ გადაცემას; ამ ობიექტებს შორისაა: ქიმიური კომპლექსები აბაშასა და ლანჩხუთში, ავტოტექმომსახურების სადგურები ყვარელში, ბოლნისში, თელავში, იგოეთში და ასევე, ასობით კილომეტრი სასოფლო გზა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.61; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.322

• 1998 - ღირსების ორდენი
  საქართველოს აგროსამრეწველო კომპლექსის განვითარებაში შეტანილი პირადი წვლილისა და ნაყოფიერი მუშაობისათვის
• საქართველოს დამსახურებული ინჟინერი