ბორის აფხაზავა

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1949 წელს.

შრომითი საქმიანობა დაიწყო ქ. ბათუმში აჭარის ავტონომიური რესპუბლიკის კომუნალური მეურნეობის სამინისტროს სისტემაში; 1951-1953წწ. მობილიზებული იყო, როგორც თადარიგის ოფიცერი, საბჭოთა არმიის რიგებში N863 სამშენებლო სამმართველოს სამუშაოთა მწარმოებლად; 1953-1960წწ. მუშაობდა N370 სამშენრბლო სამმართველოში საწარმოო-ტექნიკური განყოფილების უფროსად; 1960-1965წწ. N3 დამხმარე საწარმოთა კომბინატის საწარმოო-ტექნიკური განყოფილების უფროსად; 1965-1970წწ. იყო საქართველოს მშენებლობის სამინისტროს N5 სამშენებლო ტრესტის ახალშექმნილი სახლსაშენი კომბინატის N5 სამმართველოს მთავარი ინჟინერი; 1970-1977წწ. N15 სამშენებლო-სამონტაჟო ტრესტის მმართველის მოადგილე; 1977-1980წწ. N14 სამშენებლო-სამონტაჟო ტრესტის საწარმოო განყოფილების უფროსი; 1980 წლიდან მუშაობდა საქართველოს განათლების სამინისტროს კაპმშენებლობის განყოფილების უფროსად, შემდეგ კი ქ. თბილისის განათლების სამმართველოს უფროსის მოადგილედ.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.61-62