იური ბარბაქაძე

დაბადების ადგილი: ქ. ზესტაფონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1959 წელს.

სხვადასხვა დროს მუშაობდა საქართველოს მშენებლობის სამინისტროს N8 სამშენებლო ტრესტის სამშენებლო სამმართველო "ზესტაფონმშენში", ქუთაისის სამშენებლო-სამონტაჟო სამმართველო "ფოლადკონსტრუქციის" ზესტაფონის უბნის უფროსად, რუსთავის სამშენებლო-სამონტაჟო სამმართველო "ფოლადკონსტრუქციის" უფროსად; წლების მანძილზე იყო სს "ფოლადკონსტრუქციის" გენერალური დირექტორი; უშუალოდ ხელმძღვანელობდა ზესტაფონის ფეროშენადნობთა და რუსთავის მეტალურგიული ქარხნების, რუსთავის ქიმიური და ჭიათურის მარგანეცის კომბინატების, თბილისისა და ერევნის ტელეანძების, კოსმოსში გასაშლელი ანტენის სტენდის (საგურამოში) დამონტაჟებას.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.71; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.259

• 1998 - ღირსების მედალი
  ქ. რუსთავის აღმშენებლობაში, მოსახლეობის სოციალ-ეკონომიკური პირობების გაუმჯობესებაში შეტანილი პირადი წვლილისა და ნაყოფიერი მოღვაწეობისათვის
• მედალი "შრომითი მამაცობისთვის"
• საქართველოს დამსახურებული ინჟინერი