ბესიკ ბატიაშვილი

დაბადების ადგილი: სოფელი ბოდბისხევი, სიღნაღის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1972 წელს.

სწავლის პარალელურად მუშაობდა საპროექტო ინსტიტუტებში - "საქსახპროექტი" და "კურორტპროექტი" - ტექნიკოსად. ინსტიტუტის დამთავრების შემდეგ მუშაობდა ქ. თბილისსა და ქ. რუსთავში საპროექტო ინსტიტუტებში სხვადასხვა თანამდებობაზე; 1995-2000წწ. მუშაობდა საეკლესიო ხუროთმოძღვრების ცენტრში წმინდა სამების საკათედრო ტაძრის მუშა პროექტის დამუშავებაზე. პარალელურად მუშაობდა არქიტექტორ რევაზ ჯანაშიასთან ერთად სხვადასხვა ტაძრის პროექტის დამუშავებაზე; მის მიერ დამუშავებული კონსტრუქციული პროექტებით აშენდა ტაძრები: სენაკში, ზესტაფონში, ხულოში, ქედაში, შუახევში, დედოფლისწყაროში, მესტიაში, ლეჩხუმში, ახალციხეში, თბილისში და ა. შ.; იგი პარალელურად მუშაობს სამოქალაქო პროექტებზე. კერძოდ, მისი პროექტებით აშენდა საცხოვრებელი კორპუსები ქ. თბილისში შევჩენკოს ქუჩაზე, ვაშლიჯვარში, საბურთალოზე, ნაძალადევში და სხვა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.72-73