ამირან ბერაძე

დაბადების ადგილი: სოფელი ქუქათი, ქობულეთის რაიონი.

დაამთავრა შ. რუსთაველი სახელობის ბათუმის პედაგოგიური ინსტიტუტი(ქართული ენა და ლიტერატურა).

სწავლის პერიოდში ჩამოაყალიბა სიმღერისა და ცეკვის ანსამბლი და 1945 წლამდე მას ხელმძღვანელობდა; მუშაობდა ფიჭვნარის არასრულ საშუალო სკოლაში, სადაც სიმღერას ასწავლიდა და თვითმოქმედ გუნდს ხელმძღვანელობდა; 1948-1952წწ. ქობულეთის კულტურის სახლთან არსებული სიმღერისა და ცეკვის ანსამბლში ინსტრუმენტულ ჯგუფს განაგებდა; მოგვიანებით სწავლობდა ზ. ფალიაშვილის სახელობის ბათუმის მუსიკალური სასწავლებლის საგუნდო-სადირიჟორო განყოფილებაზე, თან აჭარის სიმღერისა და ცეკვის სახელმწიფო ანსამბლში ინსტრუმენტული ჯგუფის ხელმძღვანელად მუშაობდა, პარალელურად აჭარკოოპკავშირთან არსებულ მეჩონგურეთა ანსამბლს ხელმძღვანელობდა; 1955 წლიდან ქობულეთის განათლების მუშაკთა სიმღერისა და ცეკვის ანსამბლს ხელმძღვანელობდა; მრავალგან(დაგვაში, ბობოყვათში, ალამბარში, ფიჭვნარში) ჩამოაყალიბა და ხელმძღვანელობდა საკოლმეურნეო გუნდებს; იყო ქობულეთის პირველი საშუალო სკოლის მუსიკის მასწავლებელი და სოფელ ქაქუთში საკოლმეურნეო ანსამბლს ხელმძღვანელობდა; თავის მეგობარ ქამილ ტაკიძესთან ერთად ქობულეთის კულტურის სახლის გუნდსაც უწევდა მომსახურებას, როგორც ჩონგურის კარგი სპეციალისტი, ინსტრუმენტულ ჯგუფს ხელმძღვანელობდა; სხვადასხვა დროს დაიმსახურა მრავალი საპატიო სიგელი - 1949 წელს თვითმოქმედების დათვალიერების საქართველოს რესპუბლიკური საორგანიზაციო კომიტეტისაგან, 1951 წელს მხატვრული თვითმოქმედების მეშვიდე რესპუბლიკური ოლიმპიადის საორგანიზაციო კომიტეტისაგან, 1954 წელს აჭარის საოლქო დათვალიერებაში წარამტებისათვის; 1957 წელს თბილისში გამართულ აჭარის ხელოვნებისა და ლიტერატურის დეკადაში მონაწილეობისათვის და ხელოვნების დარგში თვალსაჩინო დამსახურებისათვის გადაეცა საპატიო სიგელი; მეჩონგურე.

 წყარო: ხალხური სიმღერის მოამაგენი.-თბ., 2007.-გვ. 59

• 1964 - მეორე რესპუბლიკური კონკურსი, ვერცხლის სამკერდე ნიშანი
  ჩონგურზე კარგი დაკვრისათვის
• ახალგაზრდობის I ფესტივალი, ლაურეატი
• აჭარის დამსახურებული არტისტი