გოგი ბერაძე

დაბადების ადგილი: სოფელი ზუმი, ჩხოროწყუს რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1974 წელს.

შრომითი საქმიანობა დაიწყო საქართველოს სასოფლო მშენებლობის სამინისტროს სისტემაში. სამინისტროს გაერთიანებად გარდაქმნის მერე დაინიშნა თავმჯდომარის მოადგილედ; 1997 წლიდან სს ბიზნესცენტრ "სოფლმშენის" გენერალური დირექტორია; მისი უშუალო მონაწილეობითა და ხელმძღვანელობით საქართველოსა თუ მის ფარგლებს გარეთ აშენდა არაერთი მნიშვნელოვანი ობიექტი: მეფრინველეობის უმსხვილესი კომპლექსი (სოფელ მირიანში), საცხოვრებელი სახლები, სოციალური და სასოფლო-სამეურნეო დანიშნულების, გადამამუშავებელი მრეწველობის ობიექტები (გორის რაიონსა და სამცხე-ჯავახეთში); 1988-1990წწ. ხელმძღვანელობდა სომხეთში მიწისძვრით დაზარალებულთათვის საცხოვრებელი სახლების მშენებლობას, 1993 წელს - სმოლენსკში სამუშაოდ მივლინებულ ქართველ მშენებელთა ჯგუფს, რომელმაც გერმანიიდან გამოყვანილი საბჭოთა არმიის ოფიცრებს საცხოვრებელი სახლები აუშენა; 1988-1991წწ. ხელმძღვანელობდა სტიქიური უბედურების სალიკვიდაციო სამუშაოებს აჭარასა და ზემო იმერეთში, ახალქალაქისა (სოფელ ქოთელიაში) და საჩხერის რაიონის სოფლებში. მიღებული აქვს სახელმწიფო და საუწყებო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.80

• საქართველოს მშენებელთა ფედერაცია, წევრი