თამაზ ბერეკაშვილი

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1968 წელს.

მუშაობდა საქართველოს მშენებლობის სამინისტროს N4 სამშენებლო ტრესტში სხვადასხვა თანამდებობაზე: საწარმოო-ტექნიკური განყოფილების ინჟინრად, სამუშაოთა მწარმოებლად, უფროს სამუშაოთა მწარმოებლად, სამმართველოს მთავარ ინჟინრად, უფროსად; 1977 წლიდან იყო N4 სამშენებლო ტრესტის მთავარი ინჟინერი, ხოლო 1985-1989წწ. ქუთაისის სახლსაშენებელი კომბინატის დირექტორი; 1989-1999წწ. N4 სამშენებლო ტრესტის მმართველი; 1991-1992წწ. ხელმძრვანელობდა მიწისძვრით დაზარალებულთა სამშენებლო კომპლექსს ქ. ონში; ეწეოდა შრომით საქმიანობას ქ. მოსკოვში შპს "ბემის" პრეზიდენტის თანამდებობაზე, ხელმძღვანელობდა ფირმებს "ვიტმა-1"-ს და "მინსკაია-2"-ს; 1993-2009წწ. ქ. მოსკოვში დასაქმებული ჰყავდა 2400-2500 ქართველი მშენებელი; მათი ოჯახის წევრებს ქ. მოსკოვში უფასო სამედიცინო დახმარების მიღებაში ეხმარებოდა; დიდ თანადგომასა და სპონსორობას უწევდა ქ. ქუთაისის სარაგბო კლუბ "აია"-ს, რომელიც არაერთგზის იყო საქართველოსა და საბჭოთა კავშირის ჩემპიონი; იყო ქუთაისის საქალაქო საბჭოს არაერთი მოწვევის დეპუტატი, კომპარტიის ქუთაისის საქალაქო კომიტეტისა და რესპუბლიკის მშენებელთა ასოციაციის წევრი; მრავალწლიანი შრომითი საქმიანობისა და დამსახურებისათვის დაჯილდოებული იყო სახელმწიფო მედლებითა და ორდენებით, ასევე საუწყებო ჯილდოებითა და საპატიო სიგელებით. 

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.80; საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ.66-68; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.251

• სააქციო საზოგადოება ფირმა "ქუთაისმშენი", პრეზიდენტი

• 1999 - ღირსების ორდენი
  სამშენებლო სფეროში მიღწეული წარმატებებისათვის, სამოქალაქო დანიშნულების მსხვილი ობიექტების მშენებლობაში შეტანილი პირადი დიდი წვლილისა და სტიქიის შედეგად დაზიანებული შენობა-ნაგებობების აღდგენისას მაღალი პროფესიონალიზმის გამოვლენისათვის
• საქართველოს დამსახურებული ინჟინერი