არსენ ბერიძე

დაბადების ადგილი: ასპინძის რაიონი.

დაამთავრა საქართველოს პოლიტექნიკური ინსტიტუტის სამთო ფაკულტეტი 1958 წელს.

შრომითი საქმიანობა დაიწყო საქართველოს მინისტრთა საბჭოს არქიტექტურისა და მშენებლობის საქმეთა სახელმწიფო კომიტეტში ინჟინრად; მუშაობდა საქართველოს მშენებლობის სამინისტროს N1 სამშენებლო ტრესტ "ამიერკავკასმეტალურგმშენის" ნორმატიულ-კვლევით სადგურში მთავარ ინჟინრად და სადგურის უფროსად; ასევე, ამავე ტრესტის ხე-ტყის დამამუშავებელი კომბინატის მთავარ ინჟინრად და დირექტორად, N4 სამშენებლო-სამონტაჟო სამმართველოს უფროსად; 1959-1986წწ. იყო რუსთავის სახლსაშენი კომბინატის მთავარი ინჟინერი და დირექტორი; 1986 წლიდან იყო საქართველოს მშენებლობის სამინისტროს აპარატის ბინათმშენებლობის საწარმოო სამმართველოს მთავარი ინჟინერი, შემდეგ ხელმძღვანელობდა ამავე სამინისტროს N3 სამშენებლო ტრესტ "თბილმრეწვის" N4 სამშენებლო-სამონტაჟო სამმართველოს; მიღებული აქვს საუწყებო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.81-82