ვიქტორ ბერიძე

დაბადების ადგილი: სოფელი ჭიხასულა, ბორჯომის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1973 წელს.

1973-1975წწ. მუშაობდა საპროექტო ინსტიტუტ "საქსაკოლმშენპროექტში" ინჟინრად, უფროს ინჟინრად, ჯგუფის ხელმძღვანელად; 1975-1978წწ. სამშენებლო ტრესტ "საქენერგომშენის" საინჟინრო ნაგებობათა სამშენებლო სამმართველოში - სამუშაოთა მწარმოებლად, გეოტექნიკური სამსახურის უფროსად; 1980-1982წწ. გაერთიანება "საქსოფლმონტაჟკომპლექტის" N8 სპეციალიზებულ მოძრავ-მექანიზებულ კოლონაში; 1982-1985წწ. საქართველოს სოფლის მეურნეობის სამინისტროს სპეციალიზებულ სამშენებლო სამმართველოში უბნის უფროსად; 1985-1990წწ. იყო რესპუბლიკური სამშენებლო გაერთიანება "საქსაკოლმშენის" უბნის უფროსი, სამშენებლო სამმართველოს უფროსის მოადგილე, ექსპერიმენტულ საშენ მასალათა კომბინატის დირექტორის მოადგილე, დირექტორი; 1995-1996წწ. საქართველოს რკინიგზის სამშენებლო ტრესტის სამშენებლო ნაკეთობათა საწარმოს დირექტორი. 

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.82