ვახტანგ ბერულავა

დაბადების ადგილი: ქ. სოხუმი.

დაამთავრა მოსკოვის სახელმწიფო ენერგეტიკის ინსტიტუტი, ინჟინერ-ჰიდროტექნიკოსის კვალიფიკაციით 1958 წელს.

1958-1960წწ. მუშაობდა რესპუბლიკურ სამშენებლო გაერთიანება "საქსოფლელექტრომშენის" სამშენებლო ტრესტში "ჯირხვაჰესის" მშენებლობაზე, ჯერ მშენებელ ოსტატად, შემდეგ კი სამუშაოთა მწარმოებლად; 1960 წელს გადაიყვანეს საქართველოს კპ აფხაზეთის საოლქო კომიტეტში, ინსტრუქტორად, მშენებლობის დარგის კურატორად; 1969 წლიდან იყო სოხუმის პარტიული და სახელმწიფო კონტროლის კომიტეტის თავმჯდომარე; 1964-1980წწ. მუშაობდა კპ სოხუმის საქალაქო კომიტეტში, ჯერ განყოფილების გამგედ, ხოლო შემდგომ ქალაქკომის მდივნად მშენებლობის დარგში; 1980-1986წწ. იყო პარტიის აფხაზეთის საოლქო კომიტეტის განყოფილების გამგე; 1986-1988წწ. აფხაზეთის ავტონომიური რესპუბლიკის მინისტრთა საბჭოს თავმჯდომარის მოადგილე მშენებლობისა და ენერგეტიკის დარგში; 1998-2004წწ. მუშაობდა აფხაზეთის ავტონომიური რესპუბლიკის მინისტრთა საბჭოს თავმჯდომარის მთავარ კონსულტანტად.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.85-86

• აფხაზეთის უმაღლესი საბჭოს პრეზიდიუმის სიგელი
• ღირსების ორდენი