ირაკლი ბიუსი

დაბადების ადსგილი: სოფელი მარტყოფი, გარდაბნის რაიონი.

დაამთავრა თბილისის რკინიგზის ტრანსპორტის ინჟინერთა ინსტიტუტი 1945 წელს.

უმაღლესი სასწავლებლის დამთავრების შემდეგ წლების განმავლობაში მუშაობდა ლენინგრადის ხიდების სამეცნიერო-კვლევით ინსტიტუტში; 1954-1994წწ. მუშაობდა საქართველოს ტექნიკურ უნივერსიტეტში ხიდებისა და რკინაბეტონის კონსტრუქციების კათედრაზე, ეწეოდა სამეცნიერო კვლევებს ხიდების დინამიკისა და გამოცდის დარგში; 1980-1994წწ. საქართველოს ტექნიკურ უნივერსიტეტთან არსებული საკონსტრუქციო ბიუროში მონაწილეობდა კოსმოსური ანტენის შექმნაში; 1970 წლიდან იყო საკავშირო (შემდეგ - რუსეთის) მეცნიერებათა აკადემიის საპასუხისმგებლო საინჟინრო ნაგებობათა მდგომარეობის შეფასების მეთოდების დამმუშავებელი კომისიის მუდმივი წევრი; 1969 წლიდან ხიდებისა და რკინაბეტონის კონსტრუქციების კათედრის დოცენტის თანამდებობაზე მუშაობდა; გამოქვეყნებული აქვს 146 სამეცნიერო ნაშრომი, მათ შორის რამდენიმე - გერმანიაში, პოლონეთსა და ჩეხოსლოვაკიაში, მათგან 11 გამოიცა ქართულად; არის ქართული საბჭოთა ენციკლოპედიის გამოქვეყნებული სამი სტატიის  ავტორი, შესრულებული აქვს 100-ზე მეტი კვლევა საქართველოს და სხვა საბჭოთა რესპუბლიკების სახალხო მეურნეობისათვის, რომლებიც დანერგილია პრაქტიკაში; ტექნიკის მეცნიერებათა კანდიდატი (საკანდიდატო დისერტაცია დაიცვა  1959 წელს).

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.90; ცნობილი და უცნობი პოლიტექნიკოსები/ დავით გურგენიძე.- თბ.,2020.- გვ. 165

• კიდული ხიდის გაანგარიშება : დამხმარე სახელმძღვ. (თანაავტორი). - თბილისი, ტექნ. უნ-ტის გამ-ბა, 1992. - 108გვ.
• ლითონის ხიდის მალის ნაშენის გაანგარიშება : დამხმარე სახელმძღვ. (ავტორი). - თბილისი, სტუ, 1990. - 75გვ.
• ქვისა და არმოქვის კონსტრუქციების გაანგარიშების მაგალითები : დამხმ. სახელმძღვ. (ავტორი). - თბილისი, 1986. - 53გვ.
• ქვისა და არმოქვის ელემენტების გაანგარიშების მაგალითები : მეთოდ. სახელმძღვ. (ავტორი). - საქართველოს პოლიტექნ. ინ-ტი, 1976. - 47გვ.
• მეთოდური მითითებები ფოლადის ხიდის საკურსო და სადიპლომო პროექტის დამუშავებისათვის (ავტორი). - თბილისი, საქ. პოლიტექნ. ინ-ტი, 1973. - 71გვ.