ალექსი ბოლქვაძე

დაბადების ადგილი: ქ. ქუთაისი.

დაამთავრა ქუთაისის კლასიკური გიმნაზია 1925 წელს, ხოლო 1929 წელს თბილისის სახელმწიფო უნივერსიტეტის პოლიტექნიკური ფაკულტეტის სამშენებლო განყოფილება ჰიდრომშენებლობის სპეციალობით.

1929-1936წწ. მუშაობდა "რიონჰესის" მშენებლობაზე, თავდაპირველად სამუშაოთა მწარმოებლად, შემდგომ უბნის უფროსად და ბოლოს სამშენებლო სამმართველოს მთავარ ინჟინრად; 1936-1941წწ. სამხედრო სამსახურში იყო და ხელმძღვანელობდა სპეცდანიშნულების ობიექტების სამშენებლო უწყებას; 1941-1949წწ. მუშაობდა ქალაქ ქუთაისში მშენებლობის მთავარ ინჟინრად; 1949 წელს გადაყვანილ იქნა ქ. თბილისში სამშენებლო ტრესტის (ყოფილ "საქმშენი") მთავარ ინჟინრად, სადაც მუშაობდა 1953 წლამდე; 1953 წელს გადაყვანილ იქნა საქართველოს წყალთა მეურნეობის სამინისტროსთან არსებული სამშენებლო ტრესტის მთავარ ინჟინრად; 1969 წალს დაინიშნა "საქენერგოს" სამშენებლო ტრესტის მთავარ ინჟინრად, სადაც მუშაობდა გარდაცვალებამდე; მიღებული აქვს მრავალი ჯილდო.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.96

• 1974 - საქართველოს დამსახურებული ინჟინერი
• 1974 - შრომის ვეტერანის მედალი
• 1945 - მედალი "კავკასიის დაცვისთვის"