ანდრო ბრეგვაძე

დაბადების ადგილი: სოფელი ნავენახები, თერჯოლის რაიონი.

დაამთავრა თბილისის რკინიგზის ტრანსპორტის ინჟინერთა ინსტიტუტი საგზაო ინჟინრის კვალიფიკაციით 1941 წელს.

1927-1929წწ. მუშაობდა ტყიბულის ქვანახშირის და ჭიათურის მანგანუმის მომპოვებელ ტრესტებში, მნგრეველად, სატვირთო სადგურების მწონავად; პარალელურად სწავლობდა რკინიგზის მუშფაკში; 1942-1947წწ. მუშაობდა II მსოფლიო ომის ფრონტის სხვადასხვა უბანზე; იყო N124 სამშენებლო-სარემონტო მატარებლის ცვლის უფროსი; 1948-1949წწ. იმავე მატარებლის მთავარი ინჟინერი და უფროსის მოადგილეა; 1949-1952წწ. მუშაობდა უბნის უფროსად "ზესტაფონი-ჭიათურის" რკინიგზის მშენებლობაზე; 1952-1956წწ. იყო სამშენებლო-სამონტაჟო ტრესტ "თბილმეტრომშენის" შახტის უფროსი, ასევე ხელმძრვანელობდა N212 სამშენებლო-სარემონტო მატარებელს; 1956-1966წწ. იყო N213 სამშენებლო-სამონტაჟო მატარებლის უფროსი; უშუალოდ მონაწილეობდა მეტროსადგურების, მრავალსართულიანი საცხოვრებელი სახლების, ლიკანის პოლიკლინიკა-სანატორიუმის კომპლექსის, ფიზიკის ინსტიტუტის, გეოფიზიკის ლაბორატორიის, ცხრაწყაროს კოსმოსური სხივების ლაბორატორიის, ხიდის, კოლექტორის (ორთაჭალაში), ბოტანიკური ბაღის გვირაბის, მიწისქვეშა გასასვლელების, 300 არაგველის ობელისკის, სარკინიგზო ხაზების საექსპლუატაციოდ გადაცემაში, ელბაქიძის აღმართის რეკონსტრუქციაში, მტკვრის მარცხენა სანაპიროს საყრდენი კადლის აგებაში და ა. შ.; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.99-100

• საქართველოს დამსახურებული ინჟინერი