ნადეჟდა როშჩეპკინა

დაბადების ადგილი: ქ. მოსკოვი.

დაამთავრა მოსკოვის ქორეოგრაფიული სასწავლებელი 1932 წელს.

1932-1963 წლებში იყო ზაქარია ფალიაშვილის სახელობის ოპერისა და ბალეტის თეატრის სოლისტი, პარალელურად ეწეოდა პედაგოგიურ მოღვაწეობას ქორეოგრაფიულ სასწავლებელში და შოთა რუსთაველის სახელობის თეატრალურ ინსტიტუტში. 1932-1987 წლებში ასწავლიდა ბავშვთა ცენტრალურ სპორტულ სკოლაში. 1963-1968 წლებში მუშაობდა კუბაში, იყო ჰავანის ნაციონალური ბალეტის თეატრის ქორეოგრაფ-კონსულტანტი. 1971-1974 წლებში იმყოფებოდა ალჟირში. მისი თაოსნობით ჩამოყალიბდა ალჟირის ნაციონალური საბალეტო სკოლა. ნადეჟდა როშჩეპკინა ასრულებდა სოლო ცეკვებს ოპერებში: ზ. ფალიაშვილის "აბესალომ და ეთერი", "დაისი"; მ. ბალანჩივაძის "დარეჯან ცბიერი"; დ. არაყიშვილის "თქმულება შოთა რუსთაველზე"; მ. იპოლიტოვ-ივანოვის "ღალატი"; ვ. დოლიძის "ქეთო და კოტე"; ი. ტუსკიას "სამშობლო"; ჯ. ვერდის "აიდა", "ტრავიატა" და სხვ. მონაწილეობდა საბალეტო სპექტაკლებში: გრ. კილაძის "სინათლე", დ. თორაძის "გორდა", "მშვიდობისათვის", პ. ჩაიკოვსკის "გედების ტბა", ბ. ასაფიევის "ბაღჩისარაის შადრევანი", ლ. მინკუსის "დონ-კიხოტი" და სხვ.

წყარო: საიუბილეო თარიღები: თეატრი, მუსიკა, კინო.- თბ., 1989. -გვ.74

• 1961 - საქართველოს დამსახურებული არტისტი