ავთანდილ ბუზალაძე

დაბადების ადგილი: დაბა ქარელი, ქარელის რაიონი.

დაამთავრა თბილისის რკინიგზის ტრანსპორტის ინჟინერთა ინსტიტუტი სამრეწველო და სამოქალაქო მშენებლობის სპეციალობით 1960 წელს.

ინსტიტუტის დამთავრების შემდეგ მუშაობა დაიწყო საქართველოს მშენებლობის სამინისტროს N1 სამშენებლო ტრესტ "ამიერკავკასმეტალურგმშენში". ჯერ იყო ტექნიკური განყოფილების ინჟინერი, შემდეგ საბინაო მშენებლობის სამმართველოს მშენებელი ოსტატი; 1963 წელს გადაიყვანეს ქიმიური ქარხნის მშენებლობაზე უბნის უფროსად; 1966 წელს სახლმშენებელი კომბინატის მთავარ ინჟინრად; 1970 წლიდან მუშაობდა მოსკოვში "გლავმოსსტროის" ("მთავარმოსკოვმშენი") სისტემაში; ამ პერიოდში მუშაობა უხდებოდა საზღვარგარეთ მშენებარე ობიექტებზე (ირანი, ინდოეთი, ავღანეთი); 1975 წელს მუშაობა დაიწყო საქართველოს მშენებლობის სამინისტროს სამშენებლო გაერთიანება "მთავართბილმშენის" N14 სამშენებლო ტრესტში; 1977-1982წწ. საქართველოს კპ ცენტრალური კომიტეტის გადაწყვეტილებით გაგზავნილი იყო ჩინეთ-ინგუშეთის ავტონომიურ რესპუბლიკაში მიწისძვრით მიყენებული ზიანის ლიკვიდაციის სამუშაოებში დახმარების გაწევის მიზნით; 1982-1985წწ. მუშაობდა N14 სამშენებლო ტრესტის N8 სამშენებლო სამმართველო "ფუნდამენტმშენის" უფროსად; 1985-1989წწ. იყო სამშენებლო მატარებელ "ტიუმენმშენის" უფროსი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.102

• ჩეჩნეთ-ინგუშეთის ავტონომიური რესპუბლიკის დამსახურებული ინჟინერ-მშენებლის წოდება
• ჩეჩნეთ-ინგუშეთის ავტონომიური რესპუბლიკის უმაღლესი საბჭოს პრეზიდიუმის ქების სიგელი