დავით ბურდულაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ავტოსაგზაო ფაკულტეტი საავტომობილო გზების მშენებლობის სპეციალობით 1983 წელს; საქართველოს პოლიტექნიკური ინსტიტუტის ასპირანტურა.

1987-1992წწ. იყო საქართველოს ტექნიკური უნივერსიტეტის საავტომობილო გზების კათედრასთან არსებული სტუდენტთა საპროექტო-საკონსტრუქტორო ბიუროს უფროსი; 2000-2007წწ. საავტომობილო გზების კათედრის გამგე; 2007-2013წწ. საქართველოს ტექნიკური უნივერსიტეტის საგზაო დეპარტამენტის უფროსი; 2012 წლიდან ლევან სამხარაულის სახელობის სასამართლო ექსპერტიზის ეროვნული ბიუროს საინჟინრო განყოფილება, მოწვეული ექსპერტი; მიენიჭა ტექნიკის მეცნიერებათა დოქტორის სამეცნიერო ხარისხი; საქართველოს ტექნიკური უნივერსიტეტის საგზაო დეპარტამენტის საავტომობილო გზებისა და აეროდრომების მიმართულების ხელმძღვანელი და სრული პროფესორია, ასევე, დავით აღმაშენებლის სახელობის ეროვნული თავდაცვის აკადემიის სრული პროფესორი; მონაწილეობდა სხვადასხვა სახელმწიფო პროგრამაში საავტომობილო გზებისა და აეროდრომების დაპროექტების, მშენებლობის დროს შესრულებული სამუშაოების ხარისხის კონტროლისა და ექსპერტიზის კუთხით; არის 60-ზე მეტი სამეცნიერო ნაშრომის, 5 წიგნის და 5 გამოგონების ავტორი, აკადემიკოსი; მონაწილეობდა მრავალ საერთაშორისო სამეცნიერო კონფერენციაში; მისი ხელმძღვანელობით მომზადებული და დაცულია 5 სადოქტორო დისერტაცია. დაიცვა საკანდიდატო დისერტაცია სპეციალობით "საშენი მასალები და ნაკეთობები" 1992 წელს, ხოლო 2006 წელს სადოქტორო დისერტაცია ამავე სფეროში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.104

• საქართველოს საინჟინრო აკადემია, ნამდვილი წევრი

• წყალგამტარი მილები საავტომობილო გზებზე : დამხმარე სახელმძღვანელო (თანაავტორი). - თბილისი, 2013. - 100გვ.
• საინჟინრო-სამშენებლო ხელოვნების სპეციალური ზოგადი კურსი (თანაავტორი). - თბილისი, 2005. - 838გვ.
• საავტომობილო გზების ექსპლუატაცია : ლექციების კონსპექტი (თანაავტორი) // ნაწ. 1. - თბილისი, ტექნ. უნ-ტის გამ-ბა, 1997. - 88გვ.