ვახტანგ ჭანკოტაძე

დაბადების ადგილი: სოფელი კვალითი, ზესტაფონის რაიონი.

დაამთავრა ლენინგრადის ელექტროტექნიკური ინსტიტუტის ელექტრომექანიკის ფაკულტეტი 1930 წელს.

1930-1937წწ. ხელმძღვანელობდა სურამის უღელტეხილის, "ხაშური-თბილისის", "ზესტაფონი-სამტრედიის" სარკინიგზო მონაკვეთების საელექტრიფიკაციო სამშენებლო-სამონტაჟო სამუშაოებს. 1932-1933წწ. იმყოფებოდა სტაჟირებაზე გერმანიაში; 1937-1938წწ. იყო "ხრამჰეს-I"-ის მშენებლობის მთავარი ინჟინერი; 1938-1957წწ. ტრესტ "ხრამჰესმშენის"(შემდგეგში ტრესტი "საქჰიდროენერგომშენი") უფროსი; 1957-1960წწ. საქართველოს მშენებლობის სამინისტროს სამშენებლო გაერთიანება "მთავართბილმშენის" მთავარი ინჟინერი; 1961-1969წწ. სათავეში ედგა თბილისის საქალაქო საბჭოს აღმასკომის სამშენებლო-სამონტაჟო ტრესტ "ინჟმშენს". სხვადასხვა წლებში ხელმძღვანელობდა  "ხრამჰეს-I"-ის, "გუმბათჰეს-I"-ის, "ტყიბულჰესის", სამგორის ჰესების, "ორთაჭალჰესის", "ლაჯანურჰესის", "ბჟუჟაჰესის", "სოხუმჰესისსა" და "ბაღნარჰესის" მშენებლობებს. ინჟინერ-ელექტროტექნიკოსი. დაჯილდოებულია სხვადასხვა ორდენებითა და მედლებით.

წყარო: ქართული საბჭოთა ენციკლოპედია: ტ. 11.-თბ., 1987.-გვ.382; საქართველოს არქიტექტორთა და მშენებელთა ენციკლოპედია. -თბ., 2017.-გვ.692

• საქართველოს სსრ I-IV მოწვევების უმაღლესი საბჭო , დეპუტატი
• სკკპ , წევრი (1927-)

• 1951 - სტალინური პრემია (ერთობლივი გამარჯვება)
  განსაკუთრებით მძიმე პირობებში "ხრამჰეს-I"-ის მშენებლობისთვის
• საქართველოს დამსახურებული ინჟინერი
• საპატიო ნიშნის ორდენი
• შრომის წითელი დროშის ორდენი (2 ორდენი)
• ლენინის ორდენი
• წითელი ვარსკვლავის ორდენი