გივი გაგუა

დაბადების ადგილი: ქ. სოხუმი.

დაამთავრა როსტოვის საინჟინრო-სამშენებლო ინსტიტუტის არქიტექტურის ფაკულტეტი 1970 წელს.

1970-1978წწ. მუშაობდა საპროექტო ინსტიტუტ "საქქალაქმშენსახპროექტის" სოხუმის ფილიალში არქიტექტორად; 1978 წლიდან აფხაზეთის არქიტექტურისა და მშენებლობის საქმეთა სახელმწიფო კომიტეტის გეგმარებისა და განაშენიანების განყოფილების გამგედ; 1973-1988წწ. იყო სოხუმის სამხატვრო სასწავლებლისა და 1979-1986წწ. საქართველოს პოლიტექნიკური ინსტიტუტის სოხუმის ფილიალის პედაგოგი; 1989 წელს დაინიშნა აფხაზეთის არქიტექტურისა და მშენებლობის საქმეთა სახელმწიფო კომიტეტის თავმჯდომარის მოადგილედ; 1994 წლიდან არის საქართველოს ტექნიკური უნივერსიტეტის დოცენტი, ასოცირებული პროფესორი; მისი ძირითადი ნამუშევრებია: დემერჯიპას ქუჩის განაშენიანება გაგრაში, სავაჭრო ცენტრი გულრიფშში, დასასვენებელი სახლი "გუმისთა", 60-ადგილიანი სასტუმრო, 800-ადგილიანი სანატორიუმი "მიმოზის ჭალა", ტრავმატოლოგიური საავადმყოფო (რეკონსტრუქცია-გაფართოება), 45 და 12-ბინიანი საცხოვრებელი სახლები სოხუმში, ადმინისტრაციული შენობა დ. ბიჭვინთაში, დასასვენებელ სახლ "აგუძერას" საძინებელი კორპუსი, აეროდრომი გენწვიშში, დაწყებითი სკოლები დალის ხეობაში, სასტუმრო ურეკში, სავაჭრო ობიექტი თბილისში და სხვა ობიექტები; შესრულებული აქვს არაერთი საავტორო ნამუშევარი მოცულობით-ქალაქგეგმარებით და ლანდშაფტურ არქიტექტურაში; არის საკავშირო გაერთიანება "არქპროექტის" I, II და III დათვალიერება-კონკურსების ლაურეატი, არქიტექტორთა ნამუშევრების გამოფენების, მათ შორის, არქიტექტორთა პირველი ბიენალესადმი მიძღვნილი გამოფენის მონაწილე (თბილისში).

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.115

• საქართველოს არქიტექტორთა კავშირი, წევრი (1977-)
• საქართველოს მშენებელთა ფედერაციის აფხაზეთის ორგანიზაციები, თავმჯდომარე