ბორის გადელია

დაბადების ადგილი: ქ. მარტვილი.

დაამთავრა სოხუმის ინდუსტრიულ-სამშენებლო ტექნიკუმი 1955 წელს, ხოლო 1961 წელს - საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით.

ჯერ კიდევ უმაღლეს სასწავლებელში სწავლის დროს მუშაობდა აბაშისა და გეგეჭკორის (ამჟამად მარტვილი) სარაიონთაშორისო სამშენებლო-სარემონტო სამმართველოს მთავარ ინჟინრად; 1972 წლიდან სამუშაოდ გადავიდა საქართველოს სოფლის მეურნეობის სამინისტროს სისტემაში და წლების განმავლობაში ხელმძღვანელობდა ამავე სამინისტროს N2 სამშენებლო ტრესტის ჯერ ხობის, შემდგომ მარნეულის სამშენებლო სამმართველოებს; მისი მონაწილეობით აშენდა და საექსპლუატაციოდ გადაიცა არაერთი მნიშვნელოვანი სასოფლო და სამრეწველო დანიშნულების ობიექტი დასავლეთ საქართველოში და ქვემო ქართლის რეგიონში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.116

• ღირსების ორდენი
• საქართველოს დამსახურებული ინჟინერი