ლევან გარდაფხაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1965 წელს. 1971 წელს დაამთავრა ასპირანტურა და დაიცვა საკანდიდატო დისერტაცია.

1971-1972წწ. იყო საქართველოს მშენებლობის სამინისტროს ცენტრალური ლაბორატორიის უფროსი; 1972-1975წწ. მივლინებით მუშაობდა ერაყის რესპუბლიკაში ობიექტის მთავარ ინჟინრად; 1975-1976წწ. მუშაობდა საქართველოს მშენებლობის სამინისტროს ტექნოლოგიურ ტრესტ "ორგტექმშენის" მთავარ სპეციალისტად; 1976-1979წწ. იყო საქართველოს სასოფლო მშენებლობის სამინისტროს მსხვილი საკედლე ბლოკების ქარხნის დირექტორი; 1979-1982წწ. მივლინებული იყო ვიეტნამის რესპუბლიკაში თბოელექტროსადგურის მშენებლობის უფროს ინჟინრად; 1982-1988წწ. მუშაობდა სამშენებლო-სარემონტო ტრესტ "სპეცსაყოფაცხოვრებორემმშენის" მთავარ ინჟინრად; 1988 წლიდან იყო საქართველოს მშენებლობის სამინისტროს N7  სამშენებლო ტრესტ "საქშახტმშენის" მთავარი ინჟინერი, შემდეგ - მმართველი; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.122