თინათინ გომართელი

დაბადების ადგილი: ქ. თბილისი.

21 წლის მანძილზე ემსახურებოდა მშობლიური ხალხური ცეკვის ხელოვნებას. 1945-1950წწ. იყო ქართლ-კახური სიმღერისა და ცეკვის სახელმწიფო ანსამბლის სოლისტი; 1950-1956წწ. მოღვაწეობდა აფხაზეთის სიმღერისა და ცეკვის სახელმწიფო ანსამბლში; 1955-1956წწ. მუშაობდა საქართველოს ხალხური ცეკვის, 1956-1966წწ. - საქართველოს სიმღერისა და ცეკვის სახელმწიფო ანსამბლებში სოლისტად. მაღალი ოსტატობით ასრულებდა: "ქართულს", "ოსურს", "ნეტავი გოგოვ", "პაემანი", "უზუნდარა" და სხვა. 1958 წელს მონაწილეობა მიიღო მოსკოვში გამართულ ქართული ხელოვნების დეკადაში.

წყარო: ხელოვნების კალენდარი: თეატრი, მუსიკა, კინო.- თბ., 1995. -გვ.58; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.250

• 1999 - ღირსების მედალი
  ქართული ქორეოგრაფიული ხელოვნების განვითარებაში, მის პოპულარულიზაციაში შეტანილი პირადი წვლილისათვის, ნაყოფიერი შემოქმედებითი და საზოგადოებრივი მოღვაწეობისათვის
• 1965 - საქართველოს დამსახურებული არტისტი
• 1962 - ქართული ხალხური ცეკვების ინდივიდუალურ შემსრულებელთა რესპუბლიკური კონკურსის ლაურეატი
  "ქართულისა" და "მთიულურის" წარმატებით შესრულებისათვის