გია გეგენავა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამთო საწარმოთა მშენებლობის სპეციალობით 1958 წელს.

1958-1963წწ. მუშაობდა სამთო-მომპოვებელ ტრესტ "ჭიათურმანგანუმში" მშენებელ ოსტატად, სამუშაოთა მწარმოებლად, უბნის უფროსად; 1963-1967წწ. საქართველოს მშენებლობის სამინისტროს სამშენებლო გაერთიანება "თბილმშენში" სამუშაოთა მწარმოებლად, უბნის უფროსად; 1968-2002წწ. იყო საქართველოს მშენებლობის სამინისტროს N2 სამშენებლო ტრესტის სამუშაოთა მწარმოებელი, უბნის უფროსი, სამმართველოს მთავარი ინჟინერი, უფროსი, ტრესტის მთავარი ინჟინერი, მმართველი; მონაწილეობდა გამამდიდრებელი და ფლოტაციური ქარხნების, ჭიათურის საბაგირო გზების, "მიონის" სამეცნიერო-საწარმოო და თსუ-ს მაღლივი კორპუსების, ო. ღუდუშაურის სახელობის კლინიკური საავადმყოფოს, ტაბახმელის ბიოკომბინატის, მიუსერის სამთავრობო აგარაკის მშენებლობაში, რუსთაველის სახელობის დრამატული თეატრისა და თბილისის N1 საშუალო სკოლის შენობების სარეკონსტრუქციო-აღდგენით სამუშაოებში. მიღებული აქვს საქართველოს უმაღლესი საბჭოს პრეზიდიუმის საპატიო სიგელი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.128; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.280

• 1995 - ღირსების მედალი