გიორგი ჯაბაური

დაბადების ადგილი: ქ. თბილისი.

დაამთავრა თბილისის სახელოსნო სასწავლებელი 1893 წელს და იქვე დაიწყო მუშაობა.

1903-1933 წლებში მუშაობდა თბილისის რკინიგზის მთავარ სახელოსნოში. სცენაზე პირველად 1891 წელს გამოვიდა სცენისმოყვარეთა სპექტაკლში. ის აქტურ მონაწილეობას იღებდა პირველი სახალხო თეატრის, ე. წ. "ავჭალის აუდიტორიის" დაარსებაში. 1909-1933 წლებში მუშაობდა ზუბალაშვილების მიერ აშენებულ თბილისის სახალხო თეატრში. გ. ჯაბაური ძირითადად ასრულებდა სახასიათო როლებს: გიჟუა, ნიკალა, ტიმოთე(ავქ. ცაგარელის "რაც გინახავს, ვეღარ ნახავ", "ციმბირელი", "ხანუმა"), გაიოზ ფაღავა (ვ. გუნიას "და-ძმა"), ვანო (ი. გედევანიშვილის "მსხვერპლი"), ილიკო მენაბდიშვილი (ტრ. რამიშვილის "მეზობლები"), ნიკალა (ი. გულისაშვილის "დრონი მეფობენ"), პეპო, მოსესიანი(გ. სუნდუკიანის "პეპო" და "ხათაბალა"), ჰერტი (ჰეიერმესის "იმედის დაღუპვა") და სხვ. მისი პიესა "მამის ბრალია" 1906 წელს დაიდგა "ავჭალის აუდიტორიაში", 1956 წელს დაიბეჭდა მისი "მოგონებანი", ლექსების კრებული გამოიცა 1906 და 1920 წლებში.

წყარო: ხელოვნების კალენდარი: თეატრი, მუსიკა, კინო.- თბ., 1994.- გვ.84

• 1929 - საქართველოს დამსახურებული არტისტი

• მოგონებანი (ავტორი). - თბილისი, ხელოვნება, 1956. - 68გვ.
• ვინ რას აკეთებს? : თანამედროვე ლექსები და კუპლეტები (ავტორი). - თბილისი, 1908. - 32გვ.