თამაზ ჯახუტაშვილი

დაბადების ადგილი: ქ. ბათუმი.

1954 წელს ბათუმში მშრომელთა სახალხო დეპუტატთა საქალაქო საბჭოს აღმასკომთან შეიქმნა სიმღერისა და ცეკვის თვითმოქმედი ანსამბლი, სადაც იგი მომღერლად მიიწვიეს. პარალელურად იგი ცეკვასაც ეუფლებოდა და თავისი შემოქმედებითი მომავალი ქორეოგრაფიულ ხელოვნებას დაუკავშირა. 1955 წელს მიიწვიეს აჭრის მ. კუხიანიძის სახელობის სიმღერისა და ცეკვის სახელმწიფო ანსამბლში მოცეკვავე მსახიობად; 1962-1963წწ. მუშაობდა საქართველოს ხალხური ცეკვის სახელმწიფო აკადემიურ ანსამბლში; 1964 წლიდან იყო ბათუმის მანქანათმშენებელი ქარხნის კლუბთან არსებული ქორეოგრაფიული ჯგუფის ხელმძღვანელი; 1974 წლიდან - აჭარის კოოპკავშირის სიმღერისა და ცეკვის სახელმწიფო ანსამბლის ქორეოგრაფიული ჯგუფის ხელმძღვანელი. იყო ქართული ხალხური ცეკვების ინდივიდუალურ შემსრულებელთა მესამე (1967), მეხუთე (1970), მეექვსე (1977) კონკურსების პრიზიორი, მშრომელთა მხატვრული თვითმოქმედების საკავშირო ფესტივალის ლაურეატი.

წყარო: ხელოვნების კალენდარი: თეატრი, მუსიკა, კინო.- თბ.,1995.-გვ.66; ქართული ხალხური ქორეოგრაფიის მოღვაწენი/ გიორგი სუხიშვილი.-თბ.,1988.- გვ.294

• 1961 - აჭარის ავტონომიური რესპუბლიკის დამსახურებული არტისტი