ბესარიონ გეჯაძე

დაბადების ადგილი: სოფელი მეტეხი, კასპის რაიონი.

ჩაირიცხა საქართველოს პოლიტექნიკური ინსტიტუტის სამშენებლო ფაკულტეტზე 1938 წელს, საიდანაც 1941 წელს გაიწვიეს სავალდებულო სამხედრო სამსახურში.

1942-1945წწ. მონაწილეობდა მეორე მსოფლიო ომში, რომლის დროსაც გაიარა სამსახურებრივი გზა ოცეულის მეთაურობიდან დივიზიის მეთაურის მოადგილობამდე; დემობილიზაციის შემდეგ 1948 წელს დაამთავრა ინსტიტუტი; 1948-1953წწ. მუშაობდა რუსთავის სამშენებლო ორგანიზაციებში სხვადასხვა საინჟინრო თანამდებობაზე; 1954-1965წწ. პარტიულ სამუშაოზე მოღვაწეობდა; 1965 წელს დაინიშნა საქართველოს სასოფლო მშენებლობის მინისტრის მოადგილედ, სადაც მუშაობდა 1984 წლამდე.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.134

• მედალი "საბრძოლო დამსახურებისთვის"
• მედალი "შრომითი მამაცობისთვის"
• საპატიო ნიშნის ორდენი
• წითელი ვარსკვლავის ორდენი
• შრომის წითელი დროშის ორდენი
• საქართველოს დამსახურებული ინჟინერი