შალვა გვაზავა

დაამთავრა მოსკოვის ჰიდროტექნიკური ინსტიტუტი ინჟინერ-მშენებლის კვალიფიკაციით 1939 წელს.

ჯერ კიდევ ახალბედა ინჟინერი აქტიურად მონაწილეობდა წულიკიძის (ამჟამად ხონის) ჩაის ფაბრიკის მშენებლობაში; 1941-1945წწ. იგი მონაწილეობდა II მსოფლიო ომში; მან ბრძოლებით გაიარა მოსკოვი, უკრაინა, მოლდოვა, უნგრეთი, ავსტრია, ბერლინი; გამორჩეული მამაცობისათვის დაჯილდოებული იყო სხვადასხვა მედლითა და მადლობის სიგელებით; დემობილიზაციის შემდეგ იგი აქტიურად ჩაება მშვიდობიან შრომით საქმიანობაში; სხვადასხვა დროს მუშაობდა ბათუმისა და ტყიბულის რაიონის სოფ. ორპირის ჩაის ფაბრიკების მშენებლობაზე; იყო ზუგდიდის ტორფის ქარხნის დირექტორის მოადგილე, ინგირის ჩაის საბჭოთა მეურნეობის, ხეთის, მზიურისა და ხონის მეურნეობის მთავარი ინჟინერი; საქართველოს სოფლის მეურნეობის მეურნეობის სამინისტროს სისტემაში ეკავა სამმართველოს უფროსის თანამდებობა მშენებლობისა და მომარაგების განხრით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.135

• წითელი ვარსკვლავის ორდენი
• სამამულო ომის I ხარისხის ორდენი