სუზარი გვასალია

დაბადების ადგილი: ქ. სენაკი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1970 წელს.

1970-1976წწ. მუშაობდა ყაზახეთის სსრ-ის ქ. შევჩენკოში, სპეციალიზებულ სამშენებლო სამმართველოში მშენებელ ოსტატად, სამუშაოთა მწარმოებლად, უბნის უფროსად; 1976-1985წწ. მუშაობდა საქართველოს მშენებლობის სამინისტროს სამშენებლო გაერთიანება "თბილქალაქმშენში" უფროს სამუშაოთა მწარმოებლად; 1985-1987წწ. მივლინებით იმყოფებოდა ავღანეთის დემოკრატიულ რესპუბლიკაში, ქალაქ ქაბულის სახლსაშენ კომბინატში სამშენებლო მოედნის მთავარ ინჟინრად; 1987-1990წწ. მივლინებიდან დაბრუნების შემდეგ მუშაობდა საქართველოს მშენებლობის სამინისტროს ფოთის N11 სამშენებლო ტრესტის მმართველად; 1990-1998წწ. იყო სამშენებლო ფირმის ვიცე-პრეზიდენტი; 1998-2010წწ. ფოთის ნავსადგურის სამშენებლო-სარემონტო სამმართველოს მთავარი ინჟინერი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.137