ჯონი გიგინეიშვილი

დაბადების ადგილი: ქ. აბაშა.

დაამთავრა კიევის საინჟინრო-სამშენებლო ინსტიტუტი 1975 წელს.

1975-1976წწ. მუშაობდა უკრაინის კვების მრეწველობის საკავშირო საპროექტო ინსტიტუტ "უკრპიშეპრომში" ინჟინერ-კონსტრუქტორად; 1976-1985წწ. ავტომატიზებული მეთოდებით მართვისა და პროექტირების განყოფილების ინჟინრად და უფროს ინჟინრად, შენობა-ნაგებობათა ავტომატიზებული მეთოდებით კვლევისა და პროექტირების ჯგუფის ხელმძრვანელად; 1985-1986წწ. იყო კიევის საინჟინრო-სამშენებლო ინსტიტუტის თხელკედლიანი სივრცული კონსტრუქციების ს/კ ლაბორატორიის მეცნიერ-თანამშრომელი; უკრაინის მეცნიერებათა აკადემიის ვ. გლუშკოვის სახელობის კიბერნეტიკის ს/კ ინსტიტუტის უფროსი მეცნიერ-მუშაკი და ჯგუფის ხელმძრვანელი; 1987-1991წწ. მუშაობდა ქ. მოსკოვის "სამეცნიერო ცენტრში" - ზელენოგრადში; თბილისის ზონალურ ს/კ ტიპური და ექსპერიმენტული პროექტების ინსტიტუტში "თბილზნიიეპი" - არქიტექტურული და სამშენებლო კიბერნეტიკის კომპლექსური განყოფილების გამგედ, შპს "ბურჯის" კონსტრუქტორად; 1991-1993წწ. მუშაობდა საქართველოს ტექნიკური უნივერსიტეტის N90 კათედრაზე; მუშაობს შენობა-ნაგებობათა ავტომატიზებული მეთოდებით კვლევისა და პროექტირების შპს "პროგრესის" დირექტორი და მთავარი კონსტრუქტორია; უშუალოდ მონაწილეობდა უკრაინაში, საქართველოში, რუსეთის ფედერაციაში, აზერბაიჯანში, მოლდოვაში, კვიპროსზე და ლაოსში სამოქალაქო, სამრეწველო და კულტურული დანიშნულების შენობა-ნაგებობების დაპროექტებასა და მშენებლობაში; ეწეოდა პედაგოგიურ საქმიანობას კიევის საინჟინრო-სამშენებლო ინსტიტუტში, კითხულობდა ლექციებს მშენებელ-ინჟინერთა და ინჟინერ-კონსტრუქტორთა საკვალიფიკაციო კურსებზე; გამოქვეყნებული აქვს 70-ზე მეტი სამეცნიერო ნაშრომი, დაპატენტებული აქვს 25-ზე მეტი გამოგონება (მათგან 14 ბაზალტის ბოჭკოს წარმოება-გამოყენებას ეხება), არის სამშენებლო-საპროექტო საკითხებზე გამოქვეყნებული 2 წიგნის თანაავტორი; ტექნიკის მეცნიერებათა კანდიდატი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.141-142

• მშენებლობის ექსპერტთა საერთაშორისო ასოციაცია, წევრი
• საქართველოს საინჟინრო აკადემია , მრჩეველი
• უკრაინის სამშენებლო აკადემია, ნამდვილი წევრი (2012-)

• მედალი "კიევის 1500 წელი"