არონ გინდინი

დაბადების ადგილი: ქ. კრიჩევი, მიგილიოვის ოლქი, ბელორუსი.

დაამთავრა მოსკოვის კ. ა. ტიმირიაზევის სახელობის საკავშირო სასოფლო-სამეურნეო აკადემიის ჰიდროტექნიკური ფაკულტეტი 1929 წელს.

1929-1930წწ. მუშაობდა თბილისის სახელმწიფო ელექტროტექნიკურ ტრესტში ინჟინრად; 1930 წელს გადაყვანილ იქნა შუა აზიაში, სადაც მუშაობდა ტაჯიკეთის ზემო ვარზობის ჰესის მშენებლობაზე მთავარ ინჟინრად, მისი დაწყებიდან საექსპლუატაციოდ ჩაბარებამდე; 1938 წლიდან მუშაობდა საქართველოში, "ხრამ-ჰეს-I" მშენებლობის მთავარ ინჟინრად. ტრესტ "ხრამჰესმშენის" სამშენებლო ტრესტ "საქჰიდროენერგომშენად" გარდაქმნის შემდეგ, 1943 წლიდან მუშაობდა ტრესტის მთავარ ინჟინრად; 1954 წლიდან დაინიშნა "ბრატსკჰიდროენერგომშენის" მთავარ ინჟინრად. 1968 წელს გადაიყვანეს საბჭოთა კავშირის მეცნიერებისა და ტექნიკის სახელმწიფო კომიტეტში; მნიშვნელოვანი წვლილი მიუძღვის საქართველოში ჰიდროენერგომშენებლობის განვითარების საქმეში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.142; საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 78-79

• 1966 - სოციალისტური შრომის გმირი
• რუსეთის დამსახურებული მშენებლის საპატიო წოდება
• სსრკ სახელმწიფო პრემია
• სტალინური პრემია
• ლენინის ორდენი (2 ორდენი)
• შრომის წითელი დროშის ორდენი (2 ორდენი)