მურთაზ გიორგაძე

დაბადების ადგილი: სოფელი ციხესულორი, ვანის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1968 წელს.

1969-1978წწ. მუშაობდა საპროექტო ინსტიტუტ "საქქალაქმშერნსახპროექტში" - ინჟინრად, უფროს ინჟინრად, ჯგუფის ხელმძღვანელად, სექტორის უფროსად; 1978-1982წწ. ამავე ინსტიტუტში სამშენებლო ტექნოლოგიებისა და არასტანდარტულ ნაკეთობათა განყოფილების უფროსად; 1989-2005წწ. მუშაობდა საპროექტო ინსტიტუტ "საქქალაქმშერნსახპროექტში" მთავარ სპეციალისტად; 2005 წელს იყო დარგობრივი პროფკავშირის თავმჯდომარის მოვალეობის შემსრულებელი; წლების განმავლობაში საქართველოს რეგიონებსა და მის ფარგლებს გარეთ მონაწილეობდა ადმინისტრაციული შენობების, საცხოვრებელი კვარტლების, დასასვენებელი და გამაჯანსაღებელი კომპლექსების, სამედიცინო დაწესებულებებისა და სხვა მნიშვნელოვანი სამოქალაქო ობიექტების დაპროექტებაში; მიღებული აქვს სხვადასხვა სახელმწიფო ჯილდო.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.144

• დარგობრივი პროფკავშირი, თავმჯდომარის პირველი მოადგილე (2010-)
• თბილისის საქალაქო საბჭოს ორჯონიკიძის რაისაბჭოს აღმასკომი, თავმჯდომარის პირველი მოადგილე (1982-1989)
• თბილისის საქალაქო საბჭოს ორჯონიკიძის რაისაბჭოს აღმასკომის საბინაო-საყოფაცხოვრებო კომისია, თავმჯდომარე
• საქართველოს არქიტექტურის, მშენებლობისა და საშენ მასალათა მრეწველობის მუშაკთა პროფესიული კავშირი, თავმჯდომარის მოადგილე (2000-2005)
• საქართველოს არქიტექტურის, მშენებლობისა და საშენ მასალათა მრეწველობის მუშაკთა პროფესიული კავშირი, თავმჯდომარე (2005-2010)
• საქართველოს ეროვნულ და სოციალურ ურთიერთობათა აკადემია, აკადემიკოსი