სანდრო გლურჯიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1963 წელს.

შრომითი საქმიანობა დაიწყო ჯერ კიდევ სტუდენტმა და განვლო პროფესიული საქმიანობის სანიმუშო გზა რიგითი მშენებელი ინჟინრიდან მინისტრის პოსტამდე. 1962-1972წწ. მუშაობდა საპროექტო ინსტიტუტებში - "საქსოფლმშენსახპროექტსა" და "ორგენერგომშენში"; 1972-1974წწ. იყო საქართველოს მშენებლობის სამინისტროს N2 სამშენებლო ტრესტის სამშენებლო სამმართველოს უფროსი; 1974-1976წწ. ამავე ტრესტის მმართველის მოადგილე; 1976-1979წწ. საქართველოს სასოფლო მშენებლობის სამინისტროს N6 ტრესტის მმართველი; 1979-1986წწ. საქართველოს სასოფლო მშენებლობის მინისტრის მოადგილე; ხოლო ორი სამშენებლო სამინისტროს გაერთიანების შემდეგ გაერთიანებული უწყების მინისტრის მოადგილე; 1986 წელს დაინიშნა საქართველოს კპ ცენტრალური კომიტეტის მშენებლობისა და საქალაქო მეურნეობის განყოფილების გამგის პირველ მოადგილედ; 1987 წელს აირჩიეს საქართველოს კპ ცენტრალური კომიტეტის მდივნად და განყოფილების გამგედ; 1988-1989წწ. მუშაობდა საქართველოს საავტომობილო ტრანსპორტის მინისტრად; იყო არაერთი საზოგადოებრივი ორგანიზაციის წევრი; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.147-148

• საქართველოს უმაღლესი საბჭო, დეპუტატი