გიორგი გოგელია

დაამთავრა საქართველოს პოლიტექნიკური ინსტიტუტის ჰიდროტექნიკური ფაკულტეტი 1957 წელს.

სხვადასხვა დროს მუშაობდა საქართველოს მშენებლობის სამინისტროს N2 სამშენებლო ტრესტის სამმართველოს უფროსად, ამავე სამინისტროს N15 ტრესტის რკინაბეტონის ქარხნის დირექტორად; იყო ტრესტ "სპეცმშენის" მთავარი ინჟინერი, მმართველი, გაერთიანება "თბილწყალკანალის" უფროსი და სამშენებლო-სამონტაჟო ტრესტ "საქგაზმშენის" მმართველი; დიდი წვლილი მიუძღვის საქართველოში მსხვილპანელიანი ბინათმშენებლობის განვითარების საქმეში; მისი ხელმძღვანელობით აშენდა "თბილისი-რუსთავის" საკანალიზაციო ჩამდინარე წყლების რეგიონული, ბათუმის, ქუთაისის, ფოთის, სოხუმის გაწმენდი ნაგებობების კომპლექსები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.148-149