გრიგოლ ხავთასი

დაბადების ადგილი: სოფელი დვაბზუ, ახლანდელი ოზურგეთის რაიონი.

სხვადასხვა დროს მუშაობდა ქუთაისის პედაგოგიურ ინსტიტუტში, შოთა რუსთაველის სახელობის ქართული ლიტერატურის ისტორიის ინსტიტუტში. 1961-1985წწ. თბილისის სახელმწიფო უნივერსიტეტის გერმანული ფილოლოგიის კათედრის გამგე. იგი ავტორია შრომებისა ძველი და ახალი პერიოდის გერმანულ ლიტერატურაში. მათგან მნიშვნელოვანია: "ნიბელუნგების არქიტექტონიკა" (1936), "გოეთე და რევოლუცია" (1937), "ნარკვევები გერმანული ლიტერატურის ისტორიიდან" (ტ. I -1953, ტ II-1965), ჰაინრიხ ჰაინეს "ხელოვნების თეორია" (1962), "ნარკვევები გერმანული კლასიკური ლიტერატურიდან" (1975), "წერილები გერმანულ ლიტერატურაზე" (1977), "შუა საუკუნეების გერმანული ლიტერატურა" (1980); ეკუთვნის სხვა მრავალი ნარკვევი, სტატია, კრიტიკული წერილი. თანაავტორია "საზღვარგარეთული ლიტერატურის ისტორიისა" (1-2 ტ., ავტორთა ჯგუფი, 1959, 1985). მონაწილეა დიდი სამამულო ომისა. მიღებული აქვს  თბილისის სახელმწიფო უნივერსიტეტის I ხარისხის სამეცნიერო პრემია (1953, 1965). ლიტერატურათმცოდნე, ფილოლოგიის მეცნიერებათა დოქტორი(1949), პროფესორი(1953).

წყარო: ქართული საბჭოთა ენციკლოპედია: ტ. 11.-თბ., 1987.-გვ.413

• თბილისის სახელმწიფო უნივერსიტეტის გერმანული ფილოლოგიის კათედრა, გამგე (1961-1985)
• სკკპ , წევრი (1930-)

• 1956 - საქართველოს მეცნიერებათა დამსახურებული მოღვაწე
• წითელი ვარსკვლავის ორდენი
• სამამულო ომის II ხარისხის ორდენი

• წერილები გერმანულ ლიტერატურაზე (ავტორი). - თბილისი, საბჭ. საქართველო, 1977. - 373გვ.
• ნარკვევები გერმანული ლიტერატურის ისტორიიდან (ავტორი) // ნაწ. 2 : იენის რომანტიზმი : ახალი ეტაპი გერმანული რომანტიზმის განვითარებაში. გოეთეს შემოქმედება XIX საუკუნეში. - თბილისი, განათლება, 1965. - 461გვ.
• გერმანული ლიტერატურის ქრესტომათია (შემდგენელი) // ტ. I. - თბილისი, სახელმწ. უნ-ტის გამ-ბა, 1962. - 327გვ.
• ნარკვევები გერმანული ლიტერატურის ისტორიიდან (ავტორი) // ნაწ. 1. - თბილისი, სახელმწ. უნ-ტის გამ-ბა, 1959. - 553გვ.