ბარბარე ნიკოლაიშვილი

დაბადების ადგილი: ქ. თბილისი.

1938 წელს თბილისის პირველი საცდელ-საჩვენებელი სკოლის დამთავრების შემდეგ, სწავლობდა თბილისის სახელმწიფო უნივერსიტეტის ფილოლოგიის ფაკულტეტზე; 1942 წელს დაამთავრა საქართველოს რუსთაველის სახელობის თეატრალური ინსტიტუტის სამსახიობო ფაკულტეტი.

1942-1957წწ. მუშაობდა რუსთაველის სახელობის სახელმწიფო თეატრში მსახიობად; 1957-1959წწ. - რეჟისორის ასისტენტად და პარალელურად თეატრალურ ინსტიტუტში პედაგოგად. შესრულებული აქვს როლები: დედა (გ. ბერძენიშვილის "ტირიფის ქვეშ"), დედა (ჯ. გოუს და ა. დიუსოს "ღრმა ფესვები"), მოცეკვავე (მ. კაცის და ა. არჟევსკის "ოლეკო დუნდიჩი"), დედა (ო. გოლდსმიტის "ერთი ღამის შეცდომები"), დედა (გ. სუნდუკიანის "პეპო"), და სხვა; 1972 წლიდან მუშაობდა ტელევიზიაში დიქტორების კონსულტანტად; 1980 წელს იმყოფებოდა ინდოეთში, რათა შეესწავლა ინდოელი იოგების სუნთქვის სისტემა, რომელიც გამოიყენა ქართული სასცენო მეტყველების სწავლებაში; მუშაობდა თეატრალურ ინსტიტუტში სასცენო მეტყველების კათედრის გამგედ.

საკანდიდატო დისერტაციის თემა - "ლექსის მხატვრული შესრულება", დაიცვა 1956 წელს; სადოქტორო დისერტაციის თემა - "ქართული სასცენო მეტყველება", დაიცვა 1985 წელს (ლენინგრადი).

წყარო: საიუბილეო თარიღები: თეატრი, მუსიკა, კინო.- თბ., 1991. -გვ.36

• 1981 - საქართველოს ხელოვნების დამსახურებული მოღვაწე

• სასცენო მეტყველების კომპლექსური სწავლება : სახელმძღვ. კულტ. ინ-ტის სტუდ. (ავტორი). - თბილისი, განათლება, 1987. - 173გვ.
• სასცენო მეტყველების სწავლების მეთოდები : სამეცნ. შრომების კრებული (ავტორი). - თბილისი, საქ. სსრ კულტ. სამ., საქ. სახელმწ. თეატრ. ინ-ტი, 1987. - 170გვ.