გრიგოლ კალანდაძე

დაბადების ადგილი: სოფელ ბუკნარი, ჩოხატაურის რაიონი.

1923 წელს, თბილისის საშუალო სკოლის დამთავრების შემდეგ, მასწავლებლად მსახურობდა სოფელ ბუკნარის სკოლაში; 1923-1933წწ. სწავლობდა თბილისის სახელმწიფო უნივერსიტეტის ფიზიკა-მათემატიკის ფაკულტეტზე.

სცენაზე პირველად გამოვიდა 1913 წელს, სოფელ ბუკნარის სცენის მოყვარეთა წარმოდგენაში; მონაწილეობდა სხვადასხვა დრამწრეებშიც; 1929-1934წწ. იყო რუსთაველის თეატრის თანამშრომელი; შემდგომში მუშაობდა თბილისის სატირის (1932-1934), ჩოხატაურის (1934-1942) თეატრებში. 1950 წლიდან იყო ქ. მახარაძის თეატრის ერთ-ერთი წამყვანი მსახიობი. მის მიერ შესრულებული როლებიდან აღსანიშნავია: არსენა (ალ. ყაზბეგის "არსენა"), ქვაბულიძე (აკ. წერეთლის "პატარა კახი"), იასონი, გოგი (ეგ. ნინოშვილის "ქრისტინე"), გაბრო (ი. ჭავჭავაძის "ბატონი და ყმა") და სხვა.

წყარო: საიუბილეო თარიღები: თეატრი, მუსიკა, კინო.- თბ., 1991. -გვ.39

• 1968 - საქართველოს დამსახურებული არტისტი