კონსტანტინე გოგორიშვილი

დაბადების ადგილი: სოფელი დიხაშხოში, ვანის რაიონი.

დაამთავრა ამიერკავკასიის სამიმოსვლო გზათა ინსტიტუტის სამშენებლო ფაკულტეტი 1936 წელს.

მუშაობა დაიწყო საქართველოს გზატკეცილების მთავარი სამმართველოს სისტემაში; მუშაობდა ფასანაურისა და ახალციხის საგზაო-საექსპლუატაციო უბნებში სხვადასხვა თანამდებობაზე; 1946 წელს გადაიყვანეს ქლუხორის საგზაო-საექსპლუატაციო უბნის უფროსად; 1949 წელს დაინიშნა N731 საგზაო სამმართველოს უფროსად თბილისში; მისი უშუალო მონაწილეობითა და ხელმძღვანელობით აშენდა საავტომობილო გზების "ფასანაური-ვლადიკავკაზის", "მესხეთ-ჯავახეთის", "ქლუხორი-წებელდის" მონაკვეთები; ასევე, შემოსასვლელ-გასასვლელი გზები თბილისში, ხიდები და სხბვა ხელოვნური ნაგებობები: დიღმის ხიდი მდ. მტკვარზე (თბილისში), ხიდები მდ. ალგეთზე, მდ. ხანდოზე და სხვა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.157

• საპატიო მეგზევე
• მედალი "კავკასიის დაცვისთვის"
• მედალი "შრომითი მამაცობისთვის"
• საქართველოს დამსახურებული ინჟინერი