ალექსი გოქაძე

დაბადების ადგილი: ქ. ქუთაისი.

დაამთავრა დონეცკის ინდუსტრიული ინსტიტუტის არქიტექტურის ფაკულტეტი, შემდეგ სამხედრო საიჟინრო აკადემიის სამშენებლო ფაკულტეტი 1947 წელს.

1948-1950წწ. მუშაობდა საპროექტო ორგანიზაციაში, სადაც მისი მონაწილეობით დაპროექტდა კულტსაყოფაცხოვრებო კომბინატი ქუთაისის ქარხანა "გორნიაკისათვის", 280-ადგილიანი სკოლა ამავე ქარხნისთვის, დასახლება 500 მცხოვრებზე, ასევე, ქარხანა "გორნიაკისთვის"; 1960-1973წწ. იყო შავი ზღვის ფლოტის სამხედრო საგზაო მშენებლობის სამმართველოს საპროექტო ორგანიზაციის უფროსი ოფიცერი; მისი ნამუშევრებია: ქართველ 4143-ე დივიზიონელთა ძეგლი (1960), წყალქვეშა ძალების შტაბი ქ. პორტ-საიდში (ეგვიპტე), სათადარიგო ბაზა საზღვაო ფლოტის ძალებისათვის კუნძულ ბალზე (ინდონეზია), დასასვენებელი სახლის კომპლექსი 150 ადგილზე სევასტოპოლში (1960-1962); 1962-1973წწ. სამხედრო საპროექტო ორგანიზაციაში მუშაობის პარალელურად ეწეოდა პედაგოგიურ მოღვაწეობას სევასტოპოლის სამშენებლო ტექნიკუმში არქიტექტურის მასწავლებლად; იყო სევასტოპოლის ხელსაწყოთმშენებელი ინსტიტუტის სადიპლომო პროექტირების ხელმძრვანელი და კონსულტანტი; გამოცემული აქვს ცნობარი ინდივიდუალური ბინათმშენებლობისათვის "ჩვენი სახლი", "არქიტექტურის განმარტებითი ლექსიკონი", მონაწილეა სსრკ არქიტექტორთა მერვე ყრილობის, მოსკოვი (1987წ.), არქიტექტორთა ბიენალესი, თბილისი (1988წ.); მისი ბიოგრაფია შეტანილია ქართულ საბჭოთა ენციკლოპედიაში; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.163

• სამხედრო საზღვაო ფლოტის ტრიბუნალის სახალხო მსაჯული (1960-1973)

• 1973 - უკრაინის დამსახურებული არქიტექტორი