ელიზავეტა შავიშვილი

დაბადების ადგილი: ქ. ოზურგეთი.

დაამთავრა ოზურგეთის გიმნაზია 1920 წელს.

მოწაფეობის პერიოდში მონაწილეობდა ბათუმის საბავშვო  და ოზურგეთის თეატრის წარმოდგენებში. 1922-1935 წლებში რუსთაველის თეატრის მსახიობია. მის მიერ შესრულებული როლებიდან აღსანიშნავია: ნელი (ჯ. სინგის "გმირი"), ავთანდილი (ი. გედევანიშვილის "სინათლე"), ალინა (ჰეზენკლევერის "საქმის კაცი"), პასკუალია (ლოპე დე ვეგას"ცხვრის წყარო"), ავდოტია (ნ. ზ. ანტონოვის "მზის დაბნელება საქართველოში"), პისტოლი (უ. შექსპირის "ვინძორის ცელქი ქალები"), ქსენია (ბ. ლავრენიოვის "რღვევა"), მისის ო კელი (ვენეციანოვის "ჯუმა-მაშიდი"), აგალია(ხოზიკას "ხოჭოების დოღი") და სხვ. 1935 წლის 21 ოქტომბერს  ს. ახმეტელის მომხრე მსახიობებთან ერთად თეატრიდან გაანთავისუფლეს, ხოლო 1936 წელს დააპატიმრეს, გარდაიცვალა გადასახლებაში.

წყარო: ხელოვნების კალენდარი: თეატრი, მუსიკა, კინო.- თბ., 1993.- გვ.40