ელენე ციმაკურიძე

დაბადების ადგილი: სოფელი ქვიშხეთი, ხაშურის რაიონი.

დაამთავრა თბილისის ქალთა I გიმნაზია 1904 წელს; სწავლობდა გ. ჯაბადარის სტუდიაში 1918-1919 წლებში.

სხვადასხვა დროს მუშაობდა: ზუბალაშვილის და ავჭალის აუდიტორიასთან მოქმედ დრამწრეში, აგრეთვე ნაძალადევის მუშათა თეატრში (1909-1917), ბათუმის (1917), ქუთაისის (1917-1918, 1924-1926, 1929-1930), რუსთაველის (1921-1923), ბორჯომის დრამწრეში რეჟისორად და მსახიობად (1923-1924), თბილისის წითელ (1927-1928), სოხუმის (1928-1929), ფოთის (1931-1932), ბაქოს ქართულ (1932-1933), თელავის (1923-1934), მუსკომედიის (1936-1964)თეატრებში. მის მიერ შესრულებული როლებიდან აღსანიშნავია: ბარონესა შტრინგერი (ნ. შიუკაშვილის "სულელი"), ფოფოდია(შ. დადიანის "გუშინდელნი"), ისახარი, მაიკო და რუქაია(ალ. სუმბათაშვილის "ღალატი"), მამიდა, ტიგრანა(რ. რამიშვილის "სტუმარ-მასპინძლობა", "შეშლილნი"), ჯადო ქალი(შ. შარაშიძის "ავგაროზი"), ხანუმა, კატინა და ლიზა(ავქ. ცაგარელის "ხანუმა", "რაც გინახავს, ვეღარ ნახავ"), ედვიგა(ჰაუპტმანის "ჰანელე") და სხვ. ე. ციმაკურიძე ხშირად დგამდა წარმოდგენებს კლუბებში: განხორციელებული აქვს სხვადასხვა ჟანრის პიესები, მათ შორის აღსანიშნავია: შიუკაშვილის "სულელი", "სიმახინჯე", "ციცინათელა", ი. გედევანიშვილის "გამცემი", ტრ. რამიშვილის "სტუმარ-მასპინძლობა", "შეშლილნი" და სხვ.

წყარო: ხელოვნების კალენდარი: თეატრი, მუსიკა, კინო.- თბ., 1993.- გვ.45

• 1943 - საქართველოს დამსახურებული არტისტი