ავქსენტი მიქავა

დაბადების ადგილი: სოფელი აბედათი, მარტვილის რაიონი.

ცხრამეტი წლის ჭაბუკი სოხუმთან ახლოს მდებარე სოფელ ლეჩქოფის ახალგაზრდათა გუნდში მღეროდა; გუნდის ხელმძღვანელი იყო სანდრო ოჩიგავა; იგი სოხუმის პედტექნიკუმშიც ხელმძღვანელობდა გუნდს; მან სოფლელი და ქალაქელი მომღერლების გუნდები შეაერთა და 1926 წელს პირველი გამარჯვება მოაპოვებინა, გუნდის წამყვან მომღერლად კარგი ხმის და ფაქიზი სმენის პატრონი ავქსენტი მიქავა ითვლებოდა; ის სოფლურ სიმღერებს ასრულებდა და თან დუეტებსა და ტრიოებშიც მონაწილეობდა; სამხედრო სამსახურში მან თბილისის პირველ ქართულ მსროლელთა ლეგიონში ორმოპცდაათკაციანი მომღერალთა გუნდი ჩამოაყალიბა; 1931 წელს პლატონ ფანცულაიამ აფხაზეთის სიმღერისა და ცეკვის ანსამბლში მიიწვია სოლისტ-მომღერლად; სოხუმის პედინსტიტუტის დაარსებისთანავე შექმნა შერეული ანსამბლი, რომელიც საქართველოს ყველა კუთხის სიმღერებს ასრულებდა, აქ მან მრავალი მომავალი მომღერალი და ლოტბარი გამოავლინა და გზა დაულოცა; იყო თვითმოქმედი კომპოზიტორი; მის სიმღერებს: "საკოლმეურნეო", "სატრფიალო", "სახუმარო", "მეურმის სიმღერა" და სხვა სიმღერებს ანსამბლები დღესაც ასრულებენ; 1955 წელს მოსკოვის კინოსტუდიამ აფხაზეთის ანსამბლის შესრულებით და ავქსენტი მიქავას დირიჟორობით მრავალი სიმღერა ჩაწერა; ლოტბარი.

წყარო: ხალხური სიმღერის მოამაგენი.-თბ., 2007.-გვ. 157

• 1956 - საქართველოს დამსახურებული არტისტი
• 1955 - აფხაზეთის დამსახურებული არტისტი