გოდერძი გუნცაძე

დაბადების ადგილი: ახალი ათონი, აფხაზეთი.

დაამთავრა ვორონეჟის სამშენებლო-საინჟინრო ინსტიტუტი 1972 წელს.

მუშაობდა საქართველოს მინისტრთა საბჭოსთან არსებული სამონტაჟო და სპეციალური სამუშაოების მთავარი სამმართველოს ("საქმთავარმონტაჟსპეცმშენის") ქუთაისის სამონტაჟო სამმართველო "ლითონკონსტრუქციის" სამუშაოთა მწარმოებლად, უბნის უფროსად, მთავარ ინჟინრად, შპს "ფოლადმონტაჟის" დირექტორად; მისი უშუალო მონაწილეობით დამონტაჟდა ზესტაფონის ფეროშენადნობთა, ზუგდიდის ფაიფურის, ქუთაისის საავტომობილო და მცირეგაბარიტიანი ტრაქტორების ქარხნები, გაგრის ბალნეოლოგიური კლინიკა, დასასვენებელი სახლების კომპლექსი გაგრასა და მიუსერაში, სახლსაშენი კომბინატები სოხუმსა და ბზიფში, სუფსის ნავთობსადენის ზესტაფონის სადგური, ფოთის ტელეანძა და ტერმინალი, შორაპნის ელემენტების ქარხანა და სხვა

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.173

• შრომის წითელი დროშის ორდენი