ვახტანგ გურგენიშვილი

დაბადების ადგილი: ქ. თბილისი.

დაამთავრა თბილისის რკინიგზის ტრანსპორტის ინჟინერთა ინსტიტუტი ინჟინერ-მშენებლის კვალიფიკაციით 1947 წელს.

მუშაობდა საქართველოს წყალთა მეურნეობის სამინისტროს საპროექტო ინსტიტუტ "საქწყალპროექტში" ინჟინრად, სიონის წყალსაცავის ხელოვნური ნაგებობების პროექტირების ჯგუფის ხელმძღვანელად; საქართველოს კპ ცენტრალური კომიტეტის სოფლის მეურნეობის განყოფილების ინსტრუქტორად; 1960 წლიდან საქართველოს წყალთა მეურნეობის მინისტრის მოადგილედ; 1963 წლიდან კი მინისტრის პირველ მოადგილედ; კურირებდა წყალსამეურნეო ობიექტების მშენებლობას საქართველოში; 1978 წელს დაინიშნა საქართველოს სასოფლო-სამეურნეო ტექნიკის სახელმწიფო კომიტეტის თავმჯდომარის მოადგილედ; გასული საუკუნის ოთხმოცდაათიან წლებში მუშაობდა მელიორაციისა და წყალთა მეურნეობის დეპარტამენტის მექანიზაციისა და ტრანსპორტის სამმართველოს უფროსის მოადგილედ.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.175; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.285

• 1998 - ღირსების ორდენი
  საქართველოს აგროსამრეწველო კომპლექსის განვითარებაში შეტანილი დიდი პირადი წვლილისა და ნაყოფიერი მუშაობისათვის
• საქართველოს დამსახურებული ინჟინერი