თამარ აბრამიშვილი

დაბადების ადგილი: სოფელი იტრია, ხაშურის რაიონი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ისტორიის ფაკულტეტი 1939 წელს.

სხვადასხვა წლებში მუშაობდა საქართველოს სახელმწიფო მუზეუმში: ბიბლიოთეკარად (1934-1937), ისტორიის განყოფილების უმცროს მეცნიერ-თანამშრომლად, ნუმიზმატიკის განყოფილების უფროს მეცნიერ-თანამშრომლად (1958-1996). თ. აბრამიშვილი  ნაყოფიერად მუშაობდა საქართველოს ფარგლებში აღმოჩენილი ბიზანტიური სამონეტო განძების შესწავლის თვალსაზრისით, სისტემატიურად და აქტიურად მონაწილეობდა სხვადასხვა არქეოლოგიური ექსპედიციების მუშაობაში (მცხეთის, ძველ-ანაგის, კოხოთოს, ურბნისის), ასრულებდა დიდი მოცულობის საფონდო-სამუზეუმო სამუშაოს, იყო სამი ფონდის ("ძველი ერანის მონეტები", "ბიზანტიური მონეტები" და "განძების ფონდი") მცველი. გამოქვეყნებული აქვს 32 სამეცნიერო ნაშრომი, მათ შორის 5 მონოგრაფია. ისტორიის მეცნიერებათა კანდიტატი, ნუმიზმატიკოსი.

სადისერტაციო თემა- "XIII- XIVსს. დასავლურ-ქართული ფული (კირმანეული)".

წყარო: ქართული ნუმიზმატიკური ლექსიკონი.- თბ., 2009.- გვ.5

• 1980 - საქართველოს კულტურის დამსახურებული მოღვაწე

• საქართველოს სახელმწიფო მუზეუმის ბიზანტიური მონეტები (1966-1984 წ.წ.) (ავტორი). - თბილისი, მეცნიერება, 1989. - 72გვ.
• საქართველოს სახელმწიფო მუზეუმის ტრაპიზონის ასპრებისა და დასავლურ-ქართული ფულის (კირმანეულის) კატალოგი (ავტორი). - თბილისი, მეცნიერება, 1984. - 121გვ.
• საქართველოს სახელმწიფო მუზეუმის პარფული მონეტების კატალოგი (ავტორი). - თბილისი, მეცნიერება, 1974. - 156გვ.
• საქართველოს სახელმწიფო მუზეუმის ბიზანტიური მონეტები (ავტორი). - თბილისი, მეცნიერება, 1965. - 156გვ.